逆天奇案2丨男人呷醋最可怕！方力申出陰招打毒針陳展鵬盜竊罪成被判監

TVB劇集《逆天奇案2》逢周一至周五晚八點半翡翠台播映，噚晚（3號）呢集身為男主角嘅森Sir（陳展鵬飾）被陷害入獄，劇情講到被控盜竊罪嘅森Sir需要停職，Hazel（蔣祖曼飾）接咗單案，原本想以「忙中有錯」為森Sir辯護，可惜卻因森Sir平時處理突發事件表現太冷靜兼甚少甩漏成致命傷，令Hazel大感頭痛。

陳展鵬被控盜竊罪。蔣祖曼諗住以「忙中有錯」為由幫佢辯護。

阿Wing（林夏薇飾）邀請冠峰（方力申飾）做專家證人，望佢以學術理論證明森Sir只係「忙中有錯」；但暗戀阿Wing嘅冠峰見到阿Wing對森Sir咁緊張，頓時妒火中燒，上庭時竟然出陰招作出對森Sir不利嘅供詞，偷偷露出詭異奸笑！最終森Sir被判罪名成立，即時入獄28個月。男人呷醋比女人更可怕，冠峰正正係人辦，不少網友直指佢係「中二病天花板」！小方受訪時笑言：「我同冠峰完全係相反嘅人，我現實中完全冇潔癖、冇嘢唔食，亦冇嘢係驚，又冇乜特別嘢敏感，正常到連屋企人、身邊人都覺得太奇怪，覺得邊有人係咁㗎？」

展鵬平時處理突發事太冷靜，反而成為佢嘅致命傷！薇薇請求小方做專家證人。

相隔30多年再度亮相公仔箱嘅劉緯民繼續成為焦點，不少網友大讚73歲劉緯民保養得宜，依然風度翩翩！飾演陳展鵬爸爸嘅緯民哥，喺劇中因前列腺問題出現尿頻情況，原來現實中緯民哥亦曾遇夜尿問題，佢接受媒體訪問曾透露以前試過一晚要上兩、三次廁所，後來勤做運動後情況有改善。緯民哥續指每周會做六日運動，每日早上起床後會先做半小時伸展運動先落床，之後再去會所做兩個幾鐘運動。劉緯民坦承相信衰老由腳開始，故就算早前因疫情關係未能到健身房，仍堅持一星期六日喺屋企樓下公園散步一粒鐘，難怪佢依然Fit到爆！

點知小方出陰招提供對展鵬不利嘅證供。網友笑指小方角色係「中二病天花板」。