沙田車公廟善信質疑職員賣產品「唔老實」　惹街坊網上激烈討論

不少人會趁新年期間前往沙田車公廟拜神，因車公廟相傳特別靈驗，吸引有不少信男信女通宵排隊上頭柱香，祈求蛇年好運、求支靈籤。但近日網上有善信指，懷疑「唔老實」氹人買貴香，更惹街坊網上激烈討論。

沙田車公廟職員疑「唔老實」氹善信買貴香

網上有人發帖文指，上周六（2月8日）事主與男友去車公廟攝太歲，當時眼見拜神的香分2種，分別為60元及90元，最後她選擇60元一份，並與男友分享。但職員便對她說，「攝太歲要入大殿，但$60嗰啲香入唔到大殿架，要$90嗰啲先得，仲要限定一定要一人要買一份。」但兩人進去後先發現，只要手拿3支香便可以進大殿拜神，根本沒有分價錢及份數。

沙田車公廟善信質疑職員賣產品「唔老實」沙田車公廟善信質疑職員賣產品「唔老實」

職員疑要事主買貴價「太歲包」

事主又指，到攝太歲時，職員說「太歲包」一口價為278元，事主接受並以再電子支付付款，可是發現以下情況，「搞掂晒出翻個廟先發現，可能入面網絡收得唔好，個payme條數過唔到。今日屋企人話得閒，於是幫我去車公廟比翻錢。同staff對翻條數先發現，原來個太歲包有分3種，分別係：$90, $168同$278。但我買嗰陣時啲staff冇同我講過有3個價位嘅套餐可以揀，而係直接叫我買最貴嗰個。」

網民指曾投訴但不果？

事件引起不少網民留言討論，有人表示自己曾寫電郵到華人廟宇委員會投訴，惟至今似乎仍未有改善，亦有人指從來不知原來有不同價格，認為華廟會應盡快跟進事件，「之前我忍唔住寫過電郵去華人廟宇委員會投訴同一樣嘢，睇嚟至今都係無改善」、「投訴接受，處理照舊」、「終於有人寫出來⋯今年成個過程感覺好差，拜咗幾年車公，啲香越嚟越貴」、「車公廟裡面啲香蠋比出面貴幾倍有多！」、「咩話原來太歲包有分3種？！ 我問職員都係話$278，我仲諗緊點解咁貴」、「早排未過年同屋企人去咗車公廟，問個啊姐可唔可以攝太歲
個啊姐係咁話得，又同你一樣淨係講$270一個」、「前沙田人表示，車公靈，但次次去到一上完香唔夠2分鐘就見到工作人員拎走啲香去掉，真係唔太開心。」、「下，佢尋日同我講攝太歲$388嘅…」、「今年d香加哂價，$90好似係入門價咁，你問$60嗰隻佢直頭唔想賣俾你」、「我唔明點解好多人講到攝太歲係一定要俾幾百蚊咁」、「我唔信有任何神明係要斂財先會保佑你」、「身無錢就唔拜嚕。可以做少樣」、「天外有天，車公廟先至係極致」、「大大話話係沙田車公拜神都有10年，啲細香由$20扎賣到今年$50一扎」、「因為拜神都知係要洗錢，但無諗過原來個個都被湯」、「有一年求姻緣拎紅蠅，個阿姨話有姻緣下年拎糖還神同化紅蠅，我問如果無呢？ 佢呆咗唔識答」、「阿媽以前喺屋企拎一紮香過去點就算，冇理過啲 staff。」、「車公大元帥或其他神明，唔需要你份寶，尤其要你大花錢財嗰種，只要你個誠心同善心，心誠則靈，情真則明」、「林住去拜車公～求簽，因為好靈。你咁講完我仲去唔去好」、「有心就同車公爺爺單聲，仲有斗姥元君就ok，果D咩野幾支香，根本個套餐係搵錢」、「攝太歲未必下下要去呢啲大廟，人又多又趕時間。」、「我係第1次去車公廟，我都同你1樣，佢1黎就話278，無講其他價錢」。

有人表示自己曾寫電郵到華人廟宇委員會投訴，惟至今似乎仍未有改善

車公廟祭品清單

車公衣寶

包括車公的神衣、元寶、紙錢等

風車

象徵轉運，廟宇外皊元寶攤檔有售

香燭

請留意車公廟大殿內規定只可攜帶3支細香，心誠則靈，香燭不用多！

食品

燒肉、乳豬、雞、茶酒、水果、糕點、糖果，（食物以素食為佳，水果、糖果及糕點亦以雙數為佳，水果有齊6種顏色更佳）

車公廟車公廟車公廟

車公廟拜神步驟 

1、準備祭品：準備好車公衣寶、風車和香燭，在廟宇指定位置放好

2、點香：車公廟設有點香區，可將香燭交給工作人員代為燃點

3、上香：到正殿前的香爐區上香，留下 3 支細香進入大殿

4、祈福：進入大殿後，面向車公神像，拿著香枝向神明稟明姓名、生日日期及心中所求，然後在其中一個香爐上香

5、化寶：將車公衣寶和元寶紙錢等放到大殿旁的進寶處收集，交給職員代為化寶

6、求籤：有需要的話，上香後可到指定地點求籤，不需要的話直可去下一步驟

7、轉風車：按照場內指示步出大殿後，排隊轉動風車，記得順時針轉動並心中默念願望