新人怒轟被婚攝公司玩！婚禮前突取消拍攝兼只賠一半　涉事公司道歉

結婚本應為喜事，而每對新人都希望有一輯「完美婚照」，但近日有新人在網上發「千字文」控訴，指早前光顧一間婚紗攝影公司後，婚禮前一日，公司突然致電表示撞期，故取消原定拍攝，更只肯賠償一半金額，令新人大失預算，「絕對係惡夢！」。後續甚至更狂，令新人不禁在社交平台發帖控訴。

新人怒轟被婚攝公司玩！婚禮前突取消拍攝兼只賠一半

新人怒轟被婚攝公司玩！

準新人（女事主）周二（3月11日）在社交平台發帖，點名批評一間婚禮攝影公司。她表示，婚攝公司向她稱因為不慎弄錯雙重預約，故希望取消她的預約；又向她表示，「另一pair難攪，所以焗我要讓步」。

其後，女事主「臨急抱佛腳」，幸好能找到其他婚攝公司頂替，「我地千辛萬苦先搵到攝影師頂替，對新人嚟講絕對係惡夢；心善得到唔同人出手，我哋婚禮亦可以非常順利同開心氣氛下完成。」

新人怒轟被婚攝公司玩！

正日看到涉事婚攝公司發帖：二次傷害

女事主又表示，在婚禮正日，看到婚攝公司發帖，稱為一對新人拍攝「順利完成」，女事主形容是「二次傷害」，皆因突然發生的事故令她非常生氣，「你就順利完成，我就big day前一日食唔安坐唔落；生意你可能有好多，但我地big day 只有一個，我地冷靜但絕對唔等於原諒!!!」。

其後，女事主要求全額約1.8萬港元賠償，但攝影公司卻討價還價，只肯賠償一半，即約9,300元，「我哋無奈接受，但唔等於認同你既失職失德」。更甚的是，該婚攝公司還提出免費替她拍攝家庭照，但女事主卻指，「仲好意思叫我搵你影家庭照？」

正日看到涉事婚攝公司發帖：二次傷害

涉事公司向事主道歉

事件在網上公開後，婚攝公司於官方社交平台發表逾600字道歉聲明。聲明表示因工作上的疏漏，為客人的婚禮帶來不必要的困擾與失望，對此深感抱歉，又承諾將加強內部管理，確保類似問題不再發生。同時，又承認客人要求額外賠償港幣18,000元，最終自己提出以全單金額的一半，即港幣9,300元作為賠償。

涉事公司聲明全文

道歉聲明

關於本人未能擔任2025年3月8日婚禮攝影師一事，在此謹向相關客人致以最深切的歉意。 

客人的服務體驗一直是本人最重視的事項。對於此次事件的發生，實屬嚴重疏忽，本人深感愧疚與自責。 

本人深知婚禮是客人的人生大事，理應完美無瑕地完成。攝影作為記錄珍貴回憶的重要環節，客人亦是基於信任才選擇本人提供服務。然而，此次因本人工作上的疏漏，為客人的婚禮帶來不必要的困擾與失望，本人對此深感抱歉。 

本人承諾將加強內部管理,確保類似問題不再發生。 同時，本人已深刻反省此次失職。 

此次事件對客人造成不便,本人再次誠懇致歉。 感謝社會各界的關心與理解。 

於3月7日上午，本人發現訂單上出現衝突，兩項攝影工作均需由本人親自執行。此為嚴重疏忽，本人對此深感抱歉。

在察覺問題後，本人立即致電向受影響的客人致歉，並迅速提出應對方案。通話結束後，本人隨即提供本公司其他攝影師的作品資料，並積極聯繫業內同行，提供更多選擇供客人參考。 

約2至3小時後，客人來電表示已另覓攝影團隊，並要求退還已支付的款項，訂金港幣9,300元。本人於通話結束後立即完成退款轉帳。 
事後，本人深刻反省此次失職，並向客人提出未來如有需要，可免費為其拍攝孕婦或家庭照作為補償。 

後來客人要求額外賠償港幣18,000元。本人提出以全單金額的一半(即港幣9,300元)作為賠償，並再次表達誠摯歉意。 

客人亦願意接受港幣9,300元的作為額外賠償金額，並要求即日完成轉帳。本人已於當日履行承諾,完成相關款項轉移。

此事件對客人造成不便，本人再次致歉。 

2025年3月11日

涉事公司聲明全文

涉事公司聲明全文

網民及苦主：俾咗錢仲一肚氣

事件同時引起不少苦主發聲，有人指自己曾經中伏，驚覺原來有許多受害者，「我都係苦主，合作完，成間公司專業操守好有問題！！我哋俾咗錢，仲一肚氣」、「客人提出相片風格，佢無理。我婉拒ot收費，佢竟然反怒客人態度有問題。全程我都以禮相待，反而做生意嘅佢，收咗錢仲出氣落客人度」、「我係big day前3個鐘先話黎唔到，個陣係凌晨4點半。根本連搵既時間都冇」、「我big day最後悔就係搵咗佢影，你係不幸之中既大幸。啲相全部歪歪斜斜低炒又有91面咁」、「好驚訝原來仲有咁多受害人。朋友前年都俾佢No Show，大家都超級崩潰，之後佢臨急派第2 team人嚟，仲錯過曬朝早吉時。唔再追究但唔代表認同你失職失德。」、「話說, 我前幾日終於收倒哂big day啲相, 唔催唔俾。」、「我都係苦主，上年影完有一半相唔掂，果時佢求其影，一個post影二十張，叫我地揀，助手用電話影的角度好過佢，最後相簿有一半相係我同老公自己平時拍拖相，佢回覆話係我地唔揀佢d相」。

此外，亦有不少網民留意支持女事主，認為該婚攝公司非常有問題，「點解佢甩底佢剩係賠一半？」、「希望你地可以追到賠償，無出現過只賠一半係唔合理」、「明白呢個心情」、「希望你最後可以獲得全數退款」、「乜鬼嘢呀仲要賠得一半？」、「好鬼衰啊，呢啲人生意真係做得唔會長遠」、「佢甩底wor,佢應該要全數賠同埋賠埋你big day新搵ge攝影師先岩」、「佢直頭應該要自己出錢請過另一個photog幫你影啦」、「真係推到佢地出黎比個解釋啊！」、「呢行門檻低，阿豬阿狗揸部相機都話自己攝影師，但一啲專業操守都無」、「比多啲人認識呢啲婚界老鼠」、「想請教下你係咩途徑搵到依位攝影師?」、「去消委會投訴，要求還款」、「點解婚禮界咁多咁不負責任嘅人！真心冇呢份使命感唔好出嚟害人！」、「佢係咪應該賠所有錢包括你要臨急臨忙搵新嘅攝影師呢？」、「唔出現喎，即係同老闆講我曠工但照出一半糧」、「賠一半即係佢甩你底仲有得購賺一半？如果係咁，佢唔只職業操守有問題，係詐騙黎嫁喎」、「重複咗期都要搞掂返，搵其他人補返啦啦！」。