中年好聲音2︱10強名單誕生！顏米羔搣甩咗殺父仇人聽到柔情聲線

歌唱真人騷《中年好聲音2》，周日晚（25日）本集是第十部曲《雙語之歌，累積排名榜 十強隆重登場！》下半場，有肥媽、伍仲衡、張佳添、周國豐和陳慧嫻擔任評審。

周日晚一集最亮眼選手是顏米羔，他獻唱王傑名曲《幾分傷心幾分痴／一場遊戲一場夢》，他笑言：「呢首歌由細聽到大，次次唱都會變王傑聲，細個好鍾意模仿，今次試吓挑戰搣唔搣得甩（王傑腔）！」

米羔最終獲得91分不俗成績，伍仲衡笑言：「我鍾意喎，我上一回合話你有少少殺父仇人感覺，你今次搣甩咗喎，聽到顏米羔嘅柔情，呢個係一個好好嘅方向，情歌係要咁唱。」陳慧嫻說：「呢隻歌你放輕聲音去唱，聽到另外一個米羔，而呢個米羔係更加好聽。」張佳添則說：「你係冇王傑嘅，我聽到嘅係黃貫中，如果你音色可以多啲變化，你就唔再係王傑、黃貫中，而係顏米羔！」