九龍城寨之圍城｜見面會逼爆現場水洩不通 林峯提議外傳伍允龍鍾嘉欣對打

電影《九龍城寨之圍城》票房節節上升，唔止吸引唔少人分享過往居住嘅日常，亦令幾位演員大受歡迎，呢日電影舉行見面活動，有份演出嘅 林峯 胡子彤 劉俊謙 同 伍允龍 仲宣佈票房已衝破9000萬喇。

呢日幾位主要演員同大家擊掌近距離接觸，吸引大批影迷一早到場，逼爆成個商場。對影片有望衝破億元票房，仲大受各地歡迎，剛剛由台灣謝票返港嘅Philp，就笑言從未諗過會有咁好反應喇。

至於早已接拍各地作品而出頭嘅劉俊謙，近日受歡迎程度有增無減，呢日佢就大讚女友夠大愛，又話呢日現場觀眾唔止淨係支持自己咁話喎。棒球員出身嘅胡子彤，演出呢部影片之後就被大家冠以BB稱號，仲話要試試轉型挑戰行可愛路線喎。

外傳電影公司有意開拍前傳同外傳，四位呢日就話非常期待，而Philp嘅舊愛Linda日前大讚演出，仲指希望有機會合作，呢日林峯就打趣話，如果佢哋拍攝對打場面應該非常有睇頭，Philp仲回應指非常多謝同感恩呀。