TVB奧運｜藝人落區宣傳無懼風雨 支嚳儀帶「好聲音」成員齊唱主題曲

距離今屆巴黎奧運會開幕嘅時間日漸逼近，呢日一班同事就繼續為連串精彩轉播賽事同特備節目落區宣傳，雖然天氣麻麻落起大雨，不過大家依然非常熱情，好似身為奧運之星嘅 劉穎鏇 鄭衍峰 同 孔德賢 加上 鄭俊弘 支嚳儀 陳曉華 李君妍 陳懿德 周志康 同 徐文浩 齊齊出動。

阿Fred同Venus呢日亦冒雨獻唱，佢哋都話感覺非常特別，而Venus囝囝呢日亦有到場捧媽咪場一齊打氣，仲自稱係「小朋友好聲音」，認真可愛呀。而Hera近日雖然正拍攝新劇《金式森林》，同 郭晉安 有唔少對手戲，不過佢就話會用盡所有空檔收睇唔同賽事，仲話沙灘排球最吸引自己咁話。

而身為爸爸嘅 阿康 就指一對小朋友都有學習體操，所以到時都會陪住佢哋欣賞，仲話會更加易投入呀。徐文浩自細就學習游水，所以就睇得非常仔細，非常細緻咁研究各國選手嘅動作妯節咁話。