衛詩雅甜蜜公開被求婚過程 姊妹團搵陳家樂 朱栢康反串著裙

衛詩雅（Michelle）日前無預警宣布被圈外醫生男友求婚成功好消息，呢日係Michelle成為準人妻後首度出席公開活動，而佢亦大方同大家分享被求婚過程。

求婚當日係Michelle生日，未婚夫以約食生日晚飯為名相約，當Michelle一開門就見到家人、朋友在場，當下心情真係好驚喜。而Michelle又大讚未婚夫又叻又細心，亦非常理性，同自己性格互補。Michelle亦解釋，因為對方係圈外人，所以先會將戀情低調處理。
 
講到婚期，Michelle就話暫時未定，不過曾經打算喺出年年初舉行婚禮，但係就被身邊朋友以時間太趕相繼勸退。Michelle更笑言有考慮過訂唔到酒席嘅話，其實喺茶餐廳搞都冇所謂。至於自己嘅姊妹團就已經計劃要搵陳家樂、朱栢康反串著裙。
 
而婚後Michelle仍然會繼續投入演員工作，不過要拍親熱戲份，而家就要為另一半感受著想多一層考慮。至於生育計劃，Michelle就話未婚夫一切冇所謂，而自己就要再諗一諗。