葉靖儀興奮考護潛水入門資格 騰雞探索海洋世界展鬼馬笑臉

葉靖儀 (Michelle)喺2021年參選港姐後，以青春無敵姿態加入娛樂圈，兩年前更成為TVB J2ers之一，主力向一啲創新嘅綜藝節目發展，本住肯搏、肯捱、肯學嘅精神，擔任過唔少節目主持，包括《怪宿宿》、《DM旅導遊》、《晚間聽聞》等，及參與劇集演出。

Michelle近日考獲潛水資格

性格好動嘅Michelle熱愛瑜伽同戶外活動，見佢不時都會將出海嘅情況上載到社交平台派福利，充滿活力。近日見Michelle分享咗喺泳池實習同出海嘅畫面，仲有個好消息同大家分享，展示佢喺7月13日考獲進入潛水世界第一張認證，Michelle興奮留言Open Water Diver Get!並感謝導師悉心教導令佢成功過關，仲話：「雖然我本身都識游水，但潛水世界需要截然不同的心理質素，大自然太可愛，愛上了海底世界的平靜微妙，看到了nemo!好期待之後去不同地方潛水。」

Michelle平時非常鍾情唔同戶外活動亦不吝展示唔同泳裝同青春身段

片段中見到Michelle著上潛水衣孭氧氣樽，全副裝備現身，跳落水嘅一殺那感覺有啲騰雞，但好快就適應水底壯況，仲做出趣怪表情向鏡頭打招呼。好友廖慧儀睇見留言讚叻叻，亦有唔少網民大讚Michelle素顏一樣咁靚女，恭喜佢考護入門資格。

Michelle除咗主持唔同節目，亦參拍與拍攝劇集