韓國女團(G)I-DLE成員 舒華 人氣旺高企,早前仲分享喺台灣出席活動後,同陶晶瑩、賈靜雯、方志友、柯震東嘅大合照,令粉絲驚呼:「估唔到舒華人脈咁廣。」 不過同時又有粉絲不滿舒華竟然同負面新聞多多嘅柯震東相識,令陶晶瑩都有開腔解釋,其實只係聚會時巧遇柯震東,兩班人先會合照留念。
相信柯震東都估唔到留個言都會被瘋狂評擊
而舒華近日喺社交平台分享一系列靚相兼為新歌做宣傳,並撰文:「Hey ~i love you」,再附上紅唇符號,除左一班粉絲留言狂讚舒華好靚女,更引嚟柯震東留言。雖然柯震東只係留低三個微笑emoji,但佢嘅出現又再度令舒華粉絲不滿,留言砲轟:「離葉舒華遠點,你自己幹過什麼,心裡沒數?」、「你知道葉舒華被你害得多慘嗎」、「別來蹭了,放過我女」亦有人猜測,可能舒華同柯震東暗燃愛火。
舒華早前Post新相宣傳新歌,結果又有是非
早前因為飯局巧遇,已經爆發奇怪指罵
雖然亦有理智粉絲認為只係朋友間互動,亦有人為柯震東護航反鬧舒華粉絲,但作為身陷輿論漩渦嘅當事人,柯震東心情明顯受到影響,更喺限時動態連出兩篇po文,分別係以黑底白字寫上:「真多xx」,同埋一張動漫角色圖片,配字:「看好看的東西洗洗眼睛,淨化心靈」。而佢喺舒華貼文嘅留言亦突然消失,似乎已經刪除。柯震東喺事後似乎已刪除留言,又出Post疑係回應事件