鄭佩佩離世丨《唐伯虎點秋香》華夫人深入民心 周星馳網上悼念：佩佩姐！江湖再見

武打女星鄭佩佩於美國時間2024年7月17號離世，喺影迷印象中最深刻嘅角色當然係經典電影《唐伯虎點秋香》中飾演華夫人一角，而昔日戲中拍檔周星馳得知鄭佩佩死訊後，亦喺社交平台悼念前輩寫上「佩佩姐！江湖再見！」
武打女星鄭佩佩喺經典電影《唐伯虎點秋香》中飾演華夫人，令影迷印象中最深刻。

鄭佩佩喺1987年跟台灣富商原文通離婚後，便復出幕前工作，由於當時經已冇乜武俠片種，鄭佩佩面對時代轉變開始為生活煩惱，正好當時獲周星馳邀請參演《唐伯虎點秋香》。當時有人反對演開「俠女」嘅鄭佩佩出演星爺無厘頭電影，鄭佩佩曾經喺訪問中講到自己根本睇唔明無厘頭電影，當時佢都覺得無厘頭電影幾胡鬧，不過佢就同身邊人講「我也不能夠沒飯吃，對不對？至少我可以有戲拍有飯吃。」佢亦感激星爺令佢喺演藝事業開始第二春。

周星馳得知鄭佩佩死訊後，亦喺社交平台悼念前輩寫上「佩佩姐！江湖再見！」

喺演藝路上，鄭佩佩同唔少演員合作過，結下不少人緣，對於佢嘅離世，惠英紅、李若彤、張鈞甯同劉濤等紛紛帖文悼念一代武打女星。

佩佩姐近年来身體抱恙，選擇不把消息公開，希望把光陰留給跟家人共處。
惠英紅、李若彤、張鈞甯同劉濤等紛紛帖文悼念一代武打女星。

鄭佩佩近年身體亮紅燈，她答應捐出大體，望臭皮囊對社會有點貢獻。

「一代女俠」鄭佩佩擁三女一子，近年幾乎一家都在美國生活。