2024香港小姐競選丨何沛珈孖陳懿德率三位佳麗 踏足內蒙拍外景嘗初體驗

《2024香港小姐競選》嘅15位佳麗兵分五路進行外景拍攝，由兩位師姐或女藝人帶領佳麗們感受唔同地方嘅文化作親善之旅，先頭部隊何沛珈同陳懿德帶領5號莊曉婷、6號李曼思同15號俞可程到內蒙展開拍攝。三位佳麗都係首次踏足內蒙，5號莊曉婷最期待係參觀大召寺，兼且拜訪主持。6號李曼思想一嘗入住蒙古包感受冬暖夏涼感覺，而熱愛運動嘅15號俞可程就最期待參加內蒙嘅運動會。

三位佳麗喺行程中經已了解咗當地服飾製作同整傳統美食，當中6號李曼思同15號俞可程對自己嘅廚藝相當有信心，5號莊曉婷就話自己簡單煎蛋都可以整得好。佢哋又話喺兩位師姐身上學到好多嘢，就好似點樣面對鏡頭、放鬆傾偈同拍攝節目。