李彩華未知林峯開演唱會 笑言代為聯絡千語BB捧場

李彩華為商場運動裝置擔任揭幕嘉賓，近日忙於為下月初喺佛山舉行嘅演唱會積極備戰當中，當講到舊愛林峯同樣開騷，佢就話好似完全唔知舊愛開騷，仲話自己比較忙，應該捧唔到場，不過佢講笑話幫手聯絡千語BB去捧場。

嚟緊就係巴黎奧運舉行日子，阿Rain就話自己最鍾意睇跳水、體操同短跑，而最鍾意嘅運動員就係方力申，Rain仲話佢哋嚟緊各自開騷，但因為咁啱撞咗時間做唔到對方嘅嘉賓，唯有再等埋陳曉東，期望明年合體開個百分百感覺演唱會。