姚焯菲Yumi詹天文跳唱串燒快歌High爆 強忍淚水完場認仍有進步空間

Chantel（姚焯菲）、Yumi（鍾柔美）及 Windy（詹天文）終於舉行演唱會，三位美少女喺開騷前落力綵排，之前佢哋擔心喺演出懷舊歌環節忘詞，好在三小花冇令大家失望，跳唱串燒經典快歌，既合拍又冇唔記得歌詞， Chantel笑指三人團名叫「KAM」。

Chantel、Yumi及 Windy終於舉行演唱會。

三位美少女首次合體開騷，服裝、形象及表現均令觀眾好有驚喜，賣力獻唱現場氣氛High爆，三小花強忍淚水完場，Yumi坦言對自己表現未係100%滿意，皆因開騷前非常緊張，擔心跳錯舞、走錯位，三人已盡全力去記住，認為佢哋仍有進步空間。

Chantel笑指三人團名叫「KAM」！

Chantel就最驚彈琴嗰part，因為自己啱啱學，雖然冇出好大嘅錯誤，不過Chantel話可以做得更加好，而Windy喺台上唱《到此為止》、《給自己的信》見到台下觀眾嘅燈，佢憶起聲夢飛行演唱會，一度有啲感動。
Windy喺台上唱《給自己的信》一度有啲感動。