陳曉東出道30周年首踏小巨蛋開騷 吳宗驚喜撐場即興合唱

陳曉東出道30周年即將喺9月首踏台北小巨蛋開騷，呢日喺記招上，大家一齊回顧東東過往國語金曲，睇住東東成長嘅吳宗憲，特登嚟記招撐場，好友林依晨就私下發訊息送上祝福，又答應幫東東演唱會喺網上做宣傳。

陳曉東出道30周年即將喺9月首踏台北小巨蛋開騷，呢日佢舉行記招，睇住東東成長嘅吳宗憲，特登嚟記招撐場。

吳宗憲本來諗住出難題畀東東，要求東東喺演唱會至少唱一首閩南語歌曲，點知東東話自己識唱好多首閩南語歌曲，二人更即興喺台上合唱，東東預告今次個唱有跳舞環節，為歌迷炮製特別歌單，已開始鍛煉體能兼戒口，佢完成台灣宣傳工作之後，就要返去繼續排舞。
東東預告今次個唱有跳舞環節，為歌迷炮製特別歌單，已開始鍛煉體能兼戒口。好友林依晨就私下發訊息送上祝福，又答應幫東東演唱會喺網上做宣傳。