近日喺翡翠台晚間時段,除咗聽到王敏奕(Venus)聲演紀錄片《森林女王》之外,喺飲食節目《感動味蕾美食餐廳100強─關西篇》亦見到佢嘅蹤影。呢日王敏奕應邀出席一個商場揭幕活動任嘉賓,即場施展畫功填顏色,人氣攀升嘅王敏奕大受歡迎。王敏奕拍《感動味蕾美食餐廳100強─關西篇》反應好好。
王敏奕就好謙虛話希望觀眾唔好睇厭咗佢,講返喺節目《感》嘅反應好好,王敏奕有重溫自己節目,令佢最深刻就係自己講咗好多爛Gag,同埋初時最驚係表情同對白嘅演繹不足,最終克服呢個障礙。王敏奕想孖好友陳瀅同糖妹一齊出擊拍飲食節目。
話晒今次係王敏奕首次拍飲食節目,累積經驗之後佢即刻信心大增,仲話有意孖好友陳瀅同糖妹一齊出擊拍飲食節目,相信大家會好合拍。糖妹日內會開騷,王敏奕已預留時間去支持,見到對方雖然經常四出奔波工作,對上一次見到糖妹辛苦到瘦咗好多,但幸好對方覺得好值得,佢亦戥對方開心。王敏奕未有八卦《新聞女王2》有關事宜,覺得要給予時間創作團隊,亦預留咗期接拍呢部劇情。
劇集《新聞女王2》預計明年初開拍,外界一直好關注人物、內容同主題,喺第一輯中有份飾演記者妹嘅王敏奕會繼續參演,但王敏奕未有八卦有關事宜,覺得要給予時間創作團隊,真正拍攝時就會去揣摩角色,亦預留咗期接拍呢部劇情。