猛料網紅海兒初任中聲評審 參賽者前清唱展實力一鳴驚人

《中年好聲音3》喺7月20同21號展開香港區面試，今屆評審中出現新鮮面孔，佢就係年屆28歲女高音歌唱家海兒，喺今日（21號）面試時，海兒想教參賽者點唱歌劇，佢就問身邊嘅肥媽同張佳添可以示範嗎？添Sir話「當然可以。」跟住海兒就清唱示範，懾人歌聲瞬令全錄影廠震撼。
28歲女高音歌唱家海兒亦係今屆評審之一。張佳添、肥媽、海兒。

初次擔任評判，海兒都好投入細聽每位參賽者演繹，喺第一日（20號）時候，佢就被一位參賽者獻唱畀亡妻嘅歌聲而感動到喊，佢話唱歌時要赤裸裸去表達情感唔係容易。
海兒深造音樂8年。
海兒喺《中年好聲音3》面試中，旋即成為網民熱話，其樣貎身材成焦點，佢並非只有外表，身為女高音歌唱家嘅佢深造音樂8年，最近喺英國回流返港，成為容祖兒師妹。
海兒喺《中年好聲音3》面試中露面後，旋即成為網民熱話。海兒最近喺英國回流返港，成為容祖兒師妹。