黃劍文 同 葉巧琳 一齊作客《StarTalk》接受主播 許文軒 專訪,兩人認識三年幾,一直處於點頭之交未有合作,嚟緊佢哋會合演主題圍繞哥哥張國榮為題嘅音樂劇。處事爽快嘅Mischa遇上較冷靜處事嘅Kimman,喺之前灌錄音樂劇原創歌曲《盡頭重遇你》時加深咗了解。黃劍文同葉巧琳嚟到《StarTalk》接受許文軒嘅訪問。
近年不停參演音樂劇嘅Mischa就話每次演出都好深感受,因為一班人喺一、兩個月內差不多日日見面,齊心為一件事努力,到手握手謝幕一刻,係有講不出嘅激動,加上每晚演出都唔同,充滿挑戰性。三年前曾參演過音樂劇嘅Kimman自言經驗唔夠,擔心唱、跳、演應付唔到。Kimman自言經驗唔夠,擔心唱、跳、演應付唔到。
音樂劇會演繹多首哥哥張國榮嘅歌曲,Kimman話最深印象嘅歌曲係《我》,因為歌詞令佢更明白點解哥哥嘅演技同唱功係充滿自己味道。Mischa就話因為佢係女聲唱哥哥嘅歌,所以少咗一份會被比較嘅壓力。Mischa溫馨提示大家入場前,先睇咗佢哋嘅MV先呀!
講到新歌MV,佢哋都話大家入場前可以先欣賞,了解吓佢哋劇中關係,入場後就可以知道佢哋嘅感情發展會係點,而成個劇係希望觀眾回憶番哥哥,再思考吓哥哥嘅歌曲對自己有冇影響。
![東張+ | myTV SUPER 24小時即時新聞 本地、國際時事熱話 東張+ | myTV SUPER 24小時即時新聞 本地、國際時事熱話](/tc/scoopplus/img/logo.png)
登入後即可查看我的收藏
登入後即可查看瀏覽記錄
![myTV SUPER myTV SUPER](/tc/scoopplus/img/img__header_superlogo.png)
![myTV SUPER myTV SUPER](/tc/scoopplus/img/icon__header_gosuper.png)