場內片段率先睇｜家豪哥榮休生日派對百人同賀 思捷神似扮四大天王光B同獻技

曾負責《蓋世豪俠》、《他來自江湖》、《溏心風暴》系列等知名劇集嘅金牌監製 劉家豪 ，早前製作完告別作《逆天奇案2》之後正式榮休，入行近50年嘅家豪哥與圈中台前幕後朋友相識遍天下，呢日舉行嘅榮休兼生日派對，就吸引逾百人現身祝賀喇。

呢晚以「星輝半世紀 豪情消遙悠」為主題嘅派對氣氛非常熱鬧，唔少朋友都上台祝賀22號生日嘅家豪哥71歲生日快樂，好似 李思捷 就上台獻唱，仲大騷至耍家嘅扮嘢本色，扮完譚校長再一次過一首歌扮哂四大天王，令台下一眾嘉賓都非常高興，紛紛以手機拍低搞笑又精彩嘅演出。

之後佢又同另一嘉賓 尹光 合作獻唱哥哥名曲《不羈的風》與及《Dear Myself》，全場整晚氣氛非常高漲。