鄭秀文Sammi第8場嘅紅館演唱會,吸引到俞琤、樂易玲、麥兆輝、方力申、衛詩雅、黃夏蕙及當奴等圈中人到場欣賞。呢晚Sammi邀請咗YT周殷廷嚟做嘉賓,二人拖手合唱《不要驚動愛情》,Sammi又不忙喺演唱會上為YT打歌:「有冇聽過周殷廷嘅《三生有幸》?呢隻歌Hit到爆!」之後又指自己被YT對音樂鍥而不捨嘅精神而打動。二人拖手合唱《不要驚動愛情》。
有一副好身材嘅YT,呢晚着住黑色西裝現身,雖然同着皮衫皮裙嘅Sammi幾襯,但抱住為觀眾謀福利嘅心態,Sammi就忍唔住問YT:「我想問吓你,今日點解無除衫,你平時成日除衫,睇到大家心心眼!」而YT即賣口乖話Sammi先係肌肉擔當,氹到對方即刻要展示一下肌肉。YT指自己可以同Sammi分享年台,係自己三生有幸。
YT指Sammi係香港嘅傳奇,有華人嘅地方一定會聽過對方嘅名字,所以當知道Sammi願意同自己分享紅館呢個舞台時,佢覺得自己真係三生有幸。YT讚Sammi係一個好好嘅榜樣,雖然已經係一位傳奇歌手,但仍然堅持要不斷進步、不斷創新做啲唔同嘅嘢俾大家睇,令YT非常敬佩。YT 將合照上載到社交平台。
而Sammi則指YT係一個有實力嘅人,佢嘅歌好值得大家去欣賞,仲笑言自己終於可以喺現場聽到YT唱呢首歌,不過喺Sammi將舞台交畀YT前,佢同對方合照時就扮晒要掀起佢件西裝褸,搞到全場尖叫。肌肉Mi
Encore環節上,Sammi發現觀眾席有一位小男生獻花,原來對方係佢特意邀請嚟睇騷嘅街坊:「佢哋係我平時買菜嘅菜檔老闆一家四口,我請佢哋嚟睇,真係嚟咗,好sweet呀!」而個唱尾聲時,Sammi再次感謝觀眾支持,仲同大家約定一齊變老。
完場後,Sammi衫都唔換就跑到紅館外,為守候嘅fans簽名,佢仲有求必應,跑勻每個角落同在場歌迷揮手及鞠躬致謝。
![東張+ | myTV SUPER 24小時即時新聞 本地、國際時事熱話 東張+ | myTV SUPER 24小時即時新聞 本地、國際時事熱話](/tc/scoopplus/img/logo.png)
登入後即可查看我的收藏
登入後即可查看瀏覽記錄
![myTV SUPER myTV SUPER](/tc/scoopplus/img/img__header_superlogo.png)
![myTV SUPER myTV SUPER](/tc/scoopplus/img/icon__header_gosuper.png)