StarTalk丨郭富城騷前密集排舞有時痛到行唔到 著重培育舞蹈員助提升舞技

「舞台王者」郭富城將於8月喺紅館開演唱會，呢日佢現身TVB娛樂新聞台節目《StarTalk》，與主播 許文軒 分享演唱會籌備進度，城城透露要挑戰全新舞蹈，跟以往完全唔一樣，城城坦言開騷前有進行體檢，目前仲係好fit！

郭富城早已開始為下月新一輪紅館個唱綵排

城城日常處於節食狀態，盡量食少啲嘢，呢七年少咗去打邊爐，皆因成為爸爸之後生活習慣大改變，城城變成family man，多數留喺屋企食飯，抽時間跟兩個寶貝女共處；城城喺寶貝女放假嗰陣就抽空陪小朋友出去食嘢，佢知道小朋友好期待呢個節目。

城城每次個唱舞蹈同舞台都令人驚艷

城城認為拍戲係精神上嘅攰、演唱會係體能上嘅攰，城城覺得做演唱會係好攰，不停重複去練習，有時骨頭好疼痛，甚至行唔到路，城城就分享紓緩疲勞嘅方法，點樣去釋放情緒！

佢仲話每次個唱都又攰又辛苦

城城一向好著重舞者，希望借個唱培育新一代舞蹈員，同時亦有部分舞者跟隨城城十幾年，城城睇住佢哋成長，今次演唱會係新舊dancer互相交流，更有美國排舞老師協助，提升dancer跳舞技術，城城笑指阿女對跳舞好有興趣，有親自教阿女簡單舞步。

佢仲希望可以培育更多新一代Dancer