鍾嘉欣 近日返港出席活動,日前仲指8月嘅廣州演唱會門票被秒殺令佢難以置信,而同金牌監製 劉家豪 梅小青 關係友好嘅佢,多年來曾參演唔少佢哋製作嘅《溏心》、《法證》等演出,所以嘉欣一完成活動後就即時為家豪哥慶祝71歲生日喇。
嘉欣特別為家豪哥慶祝生日
家豪哥一家同好友齊齊出席壽宴
其實嘉欣日前已經返港準備活動,不過因與廣告商協議保持神秘感,所以日前家豪哥嘅盛大生日兼榮休派對未能出席,不過一待完成活動,嘉欣就即時同壽星家豪哥一家共晉生日宴,為對方送上生日祝福喇。
日前嘉欣已返港出席活動,不過為尊重廣告商而未有現身家豪哥嗁盛大派對
嘉欣早前先暢遊完歐洲,先後到訪羅馬同希臘等地,今次返港除咗出席活動,亦同時會為8月10號於廣州舉行嘅演唱會準備。
早前佢漫遊歐洲,去咗多個唔同地方遊覽
仲影低大量靚相