巴黎奧運將喺7月26號至8月11號於巴黎舉行,開幕禮喺巴黎時間7月26日晚上(香港時間7月27日凌晨)舉行,黃翠如、方力申、鄭衍峰(Leonard)、體育節目主持莊琬晴及何振然呢日精神奕奕現身機場,小方佢哋就啟程前往巴黎作準備,而「奧運六星」之一嘅鄭衍峰要過幾日先出發到當地。
TVB奧運採訪隊已經出發往巴黎,準備為大家帶來最新資訊
今次小方同翠如以奧運主持身份出發,坦言心情緊張,翠如就想拍一啲同奧運資訊有關嘅嘢,因為翠如覺得呢次攝製隊係以拍體育項目為主,而拍資訊嘢就盡量以二人小組去拍攝;翠如更爆老公蕭正楠托買手信,亦有朋友托佢買奧運紀念品,而小方好想買奧運海報。
小方同翠如將為大家直擊當地情況
講到好姊妹連詩雅日前誕下女兒Camila,翠如前往醫院探望,大讚B女Camila遺傳父母嘅長相,B女擁有漂亮五官輪廓,而且手仔好長。
翠如出發前已經探過Shiga嘅小公主,仲大讚BB非常可愛