陳展鵬黐實小豬比食口水尾 單文柔帶女兒體驗中國文化

陳展鵬近日喺佛山開拍新劇《巨塔之后》，將小窩居暫時進駐當地，早前TVB娛樂新聞台直擊展鵬住處，佢同老婆單文柔話呢個小天地係為女兒小豬比放暑假而設，所以喺七月初時，單文柔就帶同小豬比去佛山，一家三口團聚。

陳展鵬近日喺佛山開拍新劇《巨塔之后》，將小窩居暫時進駐當地。

展鵬趁拍劇有少少空檔陪女兒放暑假，展鵬更流露慈父一面，特別珍惜同「前世情人」相處時刻，父女一齊外出開餐嘆Tea，展鵬黐住小豬比個樣有女萬事足，仲出Post留言表達做爸爸嘅心聲，展鵬指放暑假可以見阿女一面，帶佢去食好食嘅嘢、玩好玩嘅。講到呢到開始說出重點，「不過聽人講原來阿女對爸爸嘅感覺好特別，好食嘅嘢會自己食，唔好食嘅嘢會畀晒爸爸，過期嘅嘢更唔好嘥都係畀爸爸。」然後展鵬留下哭笑嘅Emoji表達心情。

展鵬趁拍劇有少少空檔陪女兒放暑假，展鵬更流露慈父一面，特別珍惜同「前世情人」相處時刻。

好友陳敏之睇到留言即話做父母係要食佢哋口水尾，係幸福嘅口水。有網民感受展鵬一家三口溫馨相處好有愛，最緊要係三口子可以共渡快樂時光。另一方面單文柔亦有展示同女兒小豬比嘅玩樂生活照，見佢抱起阿女特別開心，原來呢次嘅出行係單文柔去咗佛山唔同嘅地方探索，搵到呢間瓦頂咖啡店，一邊飲咖啡一邊陪小豬比，趁機會讓女兒了解中國文化寫吓書法，體驗非遺文化，兩母女玩到唔願意走。
單文柔去咗佛山唔同嘅地方探索，搵到呢間瓦頂咖啡店，一邊飲咖啡一邊陪小豬比。