馬國明認證湯洛雯係拍片高手 計劃攜妻赴布拉格開工兼旅行睇靚景

馬國明(馬明)同湯洛雯(靚湯)去年底結婚，靚湯就減產養尊處優，間唔中現身活動搵外快，近日靚湯培養一項新樂趣，連老公馬明呢日出席宣傳活動時，專登要親口認證老婆呢個專業，大讚靚湯一腳踢自拍、剪接兼做後期，成為拍片高手。
馬國明嚟緊要去希拉格出外景。
靚湯拍片咁叻，難怪馬明希望嚟緊劇集《巨塔之后》，遠赴布拉格拍攝時，靚湯可以隨團出發，兩口子順便享受二人世界，由於馬明同靚湯均未去過布拉格，所以佢哋特別期待行程，馬明更向劇組打探完成拍攝後能否留低玩幾日，當同老婆旅行享受吓，因為聽講當地景色好靚，可以影多啲相拍多啲片留念。

此外，馬明同靚湯一齊後唔只受影響，活躍於社交平台，就連購物模式亦受太太影響，鍾意咗網上購物，覺得好方便。