巴黎奧運丨方力申萬歲請食川菜孖翠如返港 3位TVB特派專員「戰鬥」至閉幕

無綫「巴黎特派專員」方力申、黃翠如、鄭衍峰（Leonard）、何振然及莊琬晴，連日喺當地為觀眾直擊港隊嘅所有賽事，小方同翠如率先功成身退，由Leonard、何振然及莊琬晴一直戰鬥到閉幕，小方更「萬歲」請食川菜，佢哋都期待之後返港慶功。

小方更「萬歲」請食川菜，佢哋都期待之後返港慶功。

Leonard大讚巴黎奧運TVB特派採訪小隊好專業、好默契、好毅力、好精力，整條team除咗識執生仲有笑料，雖然奧運仲有一個禮拜，但佢已開始唔捨得同呢條team開工嘅日子，Leonard指佢哋其實好少一齊做嘢 ，只會做完訪問先一齊賽後檢討，咁多晚只係試過有一晚係齊人食飯，「唔好以為我哋好悠閒慢慢食飯，好似好chill，其實約得食飯都係食宵夜，起碼2100」。
小方同翠如率先功成身退，由Leonard、何振然及莊琬晴一直戰鬥到閉幕。無綫「巴黎特派專員」連日喺當地為觀眾直擊港隊嘅所有賽事。無綫巴黎特派專員走訪各大比賽場館，努力爭取第一時間的獨家賽後感。翠如負責搵奧運周邊資訊。翠如之前已出post指辛苦4位專做運動採訪嘅兄弟姊妹。翠如稱喺拍攝過程都滿身臭汗，每日從冇冷氣嘅巴士開始行程，跟一群唔怕熱嘅觀眾睇現場奧運直播。