為咗慶祝入行50周年,賈思樂(Louie)喺十月舉行慈善演唱會,記者會上有唔少圈中好友現身支持,包括陳百祥(阿叻)、黃杏秀(秀姑)、肥媽、蔣嘉瑩、Kellyjackie、朱紫嬈、黃翊、小肥、韋綺姍、廖安麗、黑妹、朱晨麗同吳麗珠等。賈思樂十月辦慈善演唱會記招,獲阿叻秀姑撐場。
現場一眾嘉賓齊唱生日歌,為Louie預祝10月1號70歲生日,主角亦以歌聲答謝大家厚愛。見到咁多朋友支持,Louie都話好感動,佢又話個演唱會順便慶祝自己70歲生日。
現場一眾嘉賓齊唱生日歌,為Louie預祝10月1號70歲生日。
肥媽同黑妹嚟梗年尾都會開騷,仲已經拎咗《中聲》男唱將檔期一齊唱,肥媽仲講笑話年紀大嘅女人,梗係鍾意年紀細少少嘅男人。朱晨麗重拾歌唱夢,盼望有機會登台。
參選港姐之前,已經認識Louie嘅朱朱,完成咗選美夢之後,最近又想重拾歌唱夢,仲第一次走入錄音室錄音,一試之後先知原來唱歌同錄音係兩回事,有好多嘢需要學習。