由蔡一傑、蔡一智、蘇志威、謝安琪、錢嘉樂、林盛斌、黃翠如、羅鈞滿及何佩珉擔任主持嘅TVB真人騷《快樂聯盟》,一眨眼已經播映十周年喇!雖然節目完結己久,不過一眾主持友誼就繼續長存。TVB真人騷《快樂聯盟》,一眨眼已經播映十周年喇!
謝安琪(Kay)今日喺社交平台分享《快樂聯盟》十周年聚餐相,大家更為錢嘉樂及節目監製送上生日壽桃,何佩珉帶埋B女瑧瑧出席,呢位「小盟友」更令阿Kay大讚可愛,成晚要搶住抱B。
大家更為錢嘉樂及節目監製送上生日壽桃。
阿Kay喺文中感謝蔡一傑揀餐廳兼請大家食飯:「好開心縱使大家各有各忙,仍然會抽時間再見面聚一聚。這十年我們各自人生變化也不少,更加要適應大環境變遷的種種,慶幸我們都仍能找到自己的快樂,更難得是我們仍然是保持聯絡的盟友,好感恩啊。繼續努力將快樂傳遞出去」何佩珉帶埋B女瑧瑧出席,呢位「小盟友」更令阿Kay大讚可愛。
最後,阿Kay又話下年草蜢40周年:「約定大家同我哋一齊忘情森巴舞」 翠如亦喺Post留言指係「好開心的晚餐」,阿Kay話大家太多笑料。呢次《快樂聯盟》嘅再聚,勾起唔少網民回憶。翠如亦喺Post留言指係「好開心的晚餐」,阿Kay話大家太多笑料。