陳柏宇大囡返學全家興奮人父湊女日常飄滿愛意

話咁快就8月中，即係代表暑假已經過咗一半，同學們要開始收心準備，或者話要開始埋頭趕起暑期作業，父母家人就快可以鬆一口氣喇。結婚7年嘅陳柏宇同符曉薇，2018年同2022年分別誕下囡囡 Abigail陳羿辰同 Audrey陳星晴，家姐Abigail9月底就6歲，今日一早就著好晒校服，代表新學年已經開始，父母妹妹仲早早就齊齊為佢打氣喇。

陳伯同老婆Leanne仲有妹妹一齊起身同家姐迎接新學年Jason不時分享同屋企女王公主嘅生活日常仲有囡囡嘅成長片段

陳伯平時同太太各有各忙，不過一有時間就會陪住兩位小公主，仲成日放上網同大家分享，兩姊妹嘅可愛仲收穫大班Fans，陳伯亦非常把握同前世情人嘅拍拖時間，各種「床照」同「鴛鴦浴」照都有齊，溫馨又搞笑。