舞台王者 郭富城 嘅13場演唱會連日繼續於紅館舉行,據指每晚演出都會安排些微變化,同歌迷互動。而城城嘅一班忠實歌迷,更自設會員專區,每區仲有超過1200人,仲手持各地燈牌吶喊支持,令城城非常感動,仲笑言因為有歌迷支持,所以唱跳都特別起勁。
城城嘅演唱會繼續於紅館舉行
呢場到演唱會中段演唱《無忌》時,城城以一身型格燈衫型格登場,但係前奏過後,城城嘅耳機突然失靈,佢就立即指示停止音樂,示意要排除故障先繼續演出,工作人員處理完成後城城再回台上表演,城城話:「咁先係live吖嘛!」之後即表演《無忌》嘅勁舞。
表演期間耳機一度失靈,不過未有影響佢嘅表現
到演唱《愛的呼喚》前,城城同歌迷傾偈,又講到可以保持於演藝行業30年嘅原因?現場即響起:「靚仔!」嘅回應,城城就笑全話:「我一向唔覺得自己靚仔,不過希望自己型仔多啲!」佢再補充話:「喺呢個行業最緊要努力同求變,光靠靚係唔夠嘅!」
城城又認為於行內多年係因為佢同團隊一直求變
呢晚城城又特別加唱《狂野之城》同《我為何讓你走》令歌迷都大表滿足,完騷後城城又特地返回場館同國際歌迷會1200人大合照,令大家歌迷既感動又狂喜。
城城呢晚完騷後特別現身同逾千位歌迷合照