TVB同優酷聯合製作;鍾澍佳監製嘅新劇《巨塔之后》喺六月宣佈演員陣容,當中包括 宣萱Jessica 陳煒 陳展鵬 吳若希 劉佩玥 陳楨怡 黃庭鋒 等主演,仲邀請到重量級人馬 鍾鎮濤 湯鎮業 客串,劇組一直喺佛山開工拍攝,其中宣萱更係相隔12年再回巢拍劇,呢個陣容組合早已令觀眾引頸以待。
正於佛山拍攝《巨塔之後》嘅宣萱,獲一眾演員送上生日祝福
而8月18日係宣萱踏入54歲生日,見佳導喺社交平台出po送上祝福,附上多張演員大合照及劇組們為宣萱慶祝切蛋糕嘅相片,見劉佩玥、陳楨怡、黃庭鋒、蔣家旻、趙璧瑜、張頴康等都在場,氣氛熱鬧。一眾演員身穿醫療裝束造型,一頭清爽短髮嘅萱宣仍然魅力爆燈,絕對稱得上凍齡有道,望落去完全唔似實際年齡,尤其企喺兩位後生女劉佩玥同陳楨怡中間時,感覺就好似幾姊妹一樣,一眾演員們都齊齊恭賀宣萱生日快樂,宣萱亦合十誠心許願,將祝福全數接收。
宣萱事隔整整12年再次回巢參演新劇
而佳導除咗祝福宣萱生日快乐之外,留言更寫上:「祝你健康,自由,期待角色回響。」似乎劇集拍攝已經進入尾聲階段。而呢個post出咗之後,亦有好多粉絲同宣萱講生日快樂。一眾演員集合開Party,氣氛非常熱鬧