羅子溢曬全家福炎夏捕捉仔女天真爛漫一刻 4歲小珍珠似足楊茜堯倒模！

楊茜堯及羅子溢一向係圈中恩愛夫妻，除咗忙於工作之外，佢哋一有時間就陪伴一對仔女，楊茜堯同子溢今日喺IG貼出一家四口嘅全家幅，佢笑指自己細個唔鍾意影相，所以佢冇太多童年照，直到一對寶貝仔女漸長大，作為兩孩之母嘅楊茜堯，先明白兒時回憶好珍貴。

楊茜堯同子溢今日喺IG貼出一家四口嘅全家幅。

楊茜堯同老公子溢決定幫兩個仔女留下最美麗嘅回憶，第一次帶仔女去影童年寫真，雖然嗰日天氣好熱，但諗唔到仔女都咁很合作，大家喺笑聲同汗水之中捕捉咗小朋友最甜美、天真爛漫嘅一刻。

楊茜堯笑指自己細個唔鍾意影相，所以佢冇太多童年照，成為人母後，先明白兒時回憶好珍貴。

楊茜堯感慨小朋友長大得好快：「一不小心你們便長大了，但願在成長路上，你們永遠掛着最燦爛純真的笑容。一不小心我們就老了，好多第一次、第一次影小朋友寫真，兩個小朋友第一次畫眉。」相中見楊茜堯愛女小珍珠同阿仔Eden面對鏡頭非常淡定，盡得父母嘅真傳，4歲小珍珠個樣更似足楊茜堯倒模咁。

楊茜堯同老公子溢決定幫兩個仔女留下最美麗嘅回憶，第一次帶仔女去影童年寫真。相中見楊茜堯愛女小珍珠同阿仔Eden面對鏡頭非常淡定。楊茜堯都估唔到兩隻「馬騮仔」咁合作！阿仔Eden笑容好甜！4歲小珍珠個樣更似足楊茜堯倒模咁。兩姊弟互動非常得意！