相隔5年之後, 邵美琪 再次重返TVB演出全新劇集《特勤女團》,仲會同 關禮傑 鍾柔美 扮演一家人,呢日嘅拜神儀式呢家人仲率先爆佢哋嘅身份,不過兩位女士睇嚟已經非常有默契咁聯合恰Daddy,仲話關係複雜之餘又非常溫馨喎。
關禮傑、Yumi同邵美琪於新劇扮演一家三口
Maggie好一個段時間再返娘家,佢就指係珍姐同監製致電邀請就確認演出,而Yumi仲會同 陳瀅 張曦雯 仲有 羅毓儀 會組成偵探女團四出查案,要武打之餘仲要齊齊載歌載舞呀。至於 馬貫東 就成為佢哋嘅魔鬼教練,將幾位靚女訓練成一級臥底喇。
羅毓儀、張曦雯同陳瀅將接受馬貫東嘅訓練
關曜㑺 再次扮演黑社會成員,不過佢就指並非兇神惡煞一種,而 吳子冲 仲會非常暗黑,角色故事仲會幾慘吓咁話。
新劇演員組合有趣,相信故事將爆笑連場