蘇志威做慈善深感施比受更有福 趁開騷空檔飛大馬拍賀歲片

蘇志威日前跟隨慈善團體到山區進行慈善探訪，蘇老闆呢次全程自費，車程一共來回12個鐘，只為探訪一班受助兒童。雖然行程辛苦，但亦好有意義，易親眼見證善款用得其所。而大會早前邀請咗五位小朋友到香港出席組織十周年慶典，蘇老闆都有去同佢地見面，更承諾會繼續資助，希望小朋友們可以學業有成，日後回饋社會、幫助有需要人士以及家鄉嘅人。

蘇老闆早前隨慈善團體到山區探訪
 
而蘇老闆喺做義工嘅時候，亦喺受助兒童身上尋回童年回憶，當時生活環境既不富裕亦不舒適，同山區兒童身處嘅環境相似，所以更令佢明白自己可以為受助者提供點樣嘅合適幫助，更明白「施比受更有福」道理。而蘇老闆家人亦同樣好有善心，採購咗唔少零食俾蘇老闆帶到當地，而小朋友嚐鮮後都大感幸福，令蘇老闆都好開心。

日前喺香港再同部份青少年見面
 
草蜢嘅巡迴演唱會一站接一站舉行，完成佛山站巡唱後，9月中就要去到三藩市開騷，不過蘇老闆就完全冇得休息，因為佢要喺演唱會休息空檔飛去馬來西亞拍賀歲片，仲要做埋自己嘅造型師。

雖然近日未需開騷，不過蘇老闆就冇得休息，因為佢要去大馬拍攝賀歲片呀