賈思樂初出矛蘆遇鵬哥被整蠱 大姐明睇唔過眼出手轉焦點

入行多年嘅 賈思樂 即將舉行入行50周年演唱會，近日將過往半世紀嘅演藝故事同大家分享，其中一請到 盧海鵬 ，自然就聯想到《蝦仔嗲哋》。但係Louie指出原意係鵬哥同 鄧英敏 拍檔，拍攝一輯關於賣樓劇情的短片。

Louie同大家揭開佢同鵬哥之間嘅恩怨情仇

但拍攝當日 鄧英敏 因為身體不適，而要搵人替代。賈思樂雖然作為新人，不過仍被選中上陣替代。Louie對賣樓一竅不通，加上廣東話麻麻，令鵬哥有機可乘經常戲弄，令佢大感尷尬。

當年嘅鵬哥主力整蠱Louie令觀眾捧腹大笑

Louie話︰「鵬哥知我中文水平差，文法又錯，所以有時講東，鵬哥就話我講西，將我想表達嘅內容相反，雖然嬲，但我又不識反駁。」亦因為觀眾對鵬哥整蠱嘅舉動非常受落，仲引起監製注意，於是製作短劇《蝦仔嗲哋》就橫空出現。

由臨時頂替到演變出後來嘅《蝦仔嗲哋》成為經典

短劇一推出就廣受喜愛，一對傳統爸爸同剛自美國返港嘅鬼仔，搞笑互動成為劇集最大特點，不過演出初期，Louie仍對鵬哥嘅惡作劇感非常不滿，佢話︰「我好唁鍾意鵬哥整蠱我，尤其直播時，鵬哥知我好在意髮型，每次出鏡我都會花半個鐘吹頭，但一開拍，鵬哥就成日特登弄亂我頭髮，等我睇落好似被十號風球吹到嘅癲佬；鵬哥又會故意整縐我啲衫，搞到好似幾日冇燙咁。」

佢繼續話：「林建明(大明姐)後來睇唔過眼，於是幫鵬哥改花名做「矇豬眼」，鵬哥又改為同大明姐鬥嘴。從此，鵬哥就視大姐明為「目標」，而我就成功逃過再被鵬哥整蠱。」

集集都鬥嘴嘅大白鯊同朦豬眼，原來係大姐明拯救Louie嘅義舉

後來Louie勇敢向鵬哥表達，自己唔鍾意被整亂髮型同服裝，鵬哥聽完大笑，仲讚賞佢嘅直率同勇氣。

Louie同鵬哥定期見面飲茶

後來《蝦仔嗲哋》舞台劇，Louie邀請鵬哥參演，鵬哥就要求大姐明都要一齊參與，所以佢聯絡大姐明「出山」，雖然大姐明已減少幕前演出，不過收到Louie邀請，最後都決定參與。幾十年時光過去，鵬哥近年亦減少工作，不過Louie仍定期同鵬哥見面。