StarTalk丨洪嘉豪新嘗試為電影動畫配音 自爆曾因瘋狂扮張家輝而迷失

洪嘉豪Kaho除咗唱歌演戲之外，近日還開展新方向加入聲演行列，為電影動畫配音，呢日Kaho作客娛樂新聞台嘅STARTALK接受主播王鎮泉訪談，分享佢首次聲演感受以及曾經過度模仿張家輝，搞到自己迷失方向。

由於嘉豪今次為日文動畫配廣東話版本，面對語言及語速問題，需要極高專注力去處理，Kaho詳述唱歌與配音不同地方，佢認為唱歌可以自己創造故事俾一首歌，又或運用不同聲音、感覺去演繹，但配音本來已經有一個既定角色同人物性格，加上日文版又已經存在先，所以中間要作出好多調整。

Kaho笑言曾瘋狂抄演張家輝嘅經典角色化骨龍

嘉豪仲話以前好鍾意扮演不同演員前輩，又好鍾意扮人唱歌，扮到曾經唔知自己真正聲音係點，笑言扮張家輝令佢最迷失，尤其係經典化骨龍角色，當泉叔想進一步知道佢點樣扮演張家輝講對白時，嘉豪就婉拒咗，笑指要搣甩呢鋪癮。

嘉豪聲演嘅卡通片有笑有淚，佢話自己現實中唔自眼淺，但就好容易感動，例如早前睇到奧運運動員訪問講及背後辛酸時，嘉豪即不禁落淚，同時又想起自己入行嘅歌唱路，觸動情緒。

佢仲自爆其實自己非常眼淺

另外，嘉豪最近為一個飲食平台拍廣告，向木村拓哉致敬，被網民聲討，嘉豪笑言只己只會同人講係《真情》嘅木村(楊英偉飾)，不過接到呢個廣告實在好榮幸，因可以同真正嘅木村大神喺同一廣告系列中出現，幸好最後出到嚟效果觀眾都幾喜歡。