StarTalk一氣呵成版｜ 戴祖儀享受雙線發展 樂觀面對產歌量不多

雙線發展嘅 戴祖儀 早前推出新歌，呢日接受《StarTalk》 許文軒 專訪，又要唱歌，又要兼顧拍劇工作嘅Joey，話覺得演戲好好玩，例如佢本身係一個好正能量嘅人，但要演一個憤世疾俗嘅角色，佢話自己每次都好投入去演一個新角色，從中發掘自己不同嘅面向。

戴祖儀坦言非常享受雙線發展嘅樂趣

Joey又話同同事對戲時擦出嘅火花，令佢覺得好有滿足感，而呢種滿足感只可以喺演戲過程中得到，相反唱歌對Joey嚟講就係一種relax，做自己鐘意嘅工作，同時亦可以鼓勵到大家，所以唱歌同拍劇嘅感覺好唔同。自覺產歌量唔多嘅Joey，佢話都理解觀眾對佢嘅印象多停留喺演員嘅身份，所以Joey話佢反而提自己，更應該再唱多啲好歌比大家聽，佢話自己都有不停寫歌，每首歌都代表住每個時期自己嘅故事，所以情歌類就比較少。

佢仲話一直都有不停劊作新歌曲，有機會就會逐一推出