StarTalk丨劉在錫新一季節目加入猛男主持 Yuri獲前職業軍人全程護花

韓國國民MC劉在錫同少女時代Yuri主持嘅逃脫式綜藝節目嚟到第三季，今次會加入前UFC終極格鬥冠軍金東炫同前韓國職業軍人DEX一齊主持，我哋娛樂新聞台嘅主持 王鎮泉 ，越洋邀請四位節目主持作客《StarTalk》接受訪問。劉在鍚話今季好需要體力先完成到任務，加入咗兩位猛男之後，效果會更加震撼。Yuri都覺得會增加觀看度同更有趣，講到DEX係咪擔任佢嘅護花使者，Yuri就話係啦，但身旁嘅劉在鍚話其實之前兩季，Yuri都有足夠能力應付。

韓國國民MC劉在錫同隊友一齊接受《StarTalk》訪問。前UFC終極格鬥冠軍金東炫

初加盟嘅DEX自言有追看頭兩季節目，今次能夠加入感覺自豪，兼且能夠同三位猛人合作，自己非常期待。節目中要面對不少挑戰，金東炫就話最難係對戰100個AI劉在鍚，因為100個都生得一模一樣，連身體秘密特徵都一樣。
前韓國職業軍人DEX。
當問到邊種任務最驚？DEX話最驚面對鬼怪任務，劉在錫同金東炫都話最怕就係鬼。最後泉叔問到邊位係最膽小時？劉在鍚、Yuri同DEX一齊指向金東炫，甚至連金東炫都指住自己。