黃宗澤謝票賀新戲票房高開 張繼聰羨慕Bosco不婚主義

黃宗澤同張繼聰主演嘅江湖電影系列去到第三集，上映三日已經有百萬票房，開畫成績好過上一集，阿聰同Bosco都覺得好鼓舞，仲現身戲院謝票，兩人都好珍惜有謝票嘅機會，可以直接感受到觀眾嘅評語。

Bosco同阿聰出席電影謝票。

阿聰嘅太太謝安琪不嬲都係老公嘅頭號影迷，今次套新戲，阿Kay當然第一時間已經捧場，而阿聰希望太太可以盲目讚好，先係賢妻嘅表現，更自誇自己係童星出身，加上演藝學院畢業，太太對佢嘅演技有一定嘅信心。

聽到阿聰滔滔不斷分享經營婚姻之道，Bosco勁汗顏。

阿聰繼續滔滔不斷分享佢經營婚姻之道，透露切忌觸及另一半嘅底線，每日花盡心思，希望刷新好老公嘅新高度。 聽到身旁嘅Bosco掛住偷笑同抹汗，仲大讚阿聰幽默唔會悶，但係作為黃金單身族嘅Bosco唔需要遷就另一半，無意向阿聰取經。反而阿聰好羨慕不婚主義嘅Bosco可以一停咁探索人生。

阿聰話羨慕不婚主義嘅Bosco可以一停咁探索人生。