中聲家族行善演出再聚首 黃夏蕙現身向嘉賓大派金牌

「中聲」成員 柳冕 梁凱榳 鮑聖光 羅金榮 李泇霖 何博文 聯同 袁鳳瑛 仲有 敖嘉年 為慈善音樂會擔任表演嘉賓，向來為善不甘後人嘅黃夏蕙亦有現身，仲向各位表演嘉賓送贈金牌。

一眾中聲成員同前輩歌手袁鳳英等一齊為慈善獻唱
能夠行善兼且同老友聚會，一班「中聲1」成員都相當開心，有份為今次演出做搞手嘅梁凱榳話成班老友二話不說就答應演出，羅金榮話好開心獲邀擔任演唱會監製，再次同大家合作係一種榮幸。泇霖話能夠一班「中一生」再聚，以歌聲去行善，係非常開心。
羅金榮今次更獲邀擔任演唱會監製

初相識嘅袁鳳瑛同敖嘉年，坦言今次未能合作感到可惜，期待將來喺音樂或戲劇上有合作，袁鳳瑛笑言睇住嘉年長大，仲大讚嘉年當年喺劇集《無頭東宮》飾演太子一角非常出色。

袁鳳英同敖嘉年亦係今次嘉賓