愛·回家之開心速遞丨歐瑞偉細訴優質服務態度 李偉健遇體貼職業司機

歐瑞偉 同 李偉健Terry 走出電視城門外為《愛·回家之開心速遞》拍攝外景，見佢哋大熱天時喺街頭等車，無耐就有的士到嚟接走，KC都話現今嘅服務態度，只要「做多一步 好客之道」，咁就會令到乘客同司機嘅相處氣氛更好，同時會令遊客留下好印象。

歐瑞偉 與 李偉健

Terry話有時的士司機會問佢想喺邊個位落車，務求遷就到最佳位置停車。KC指每次坐的士都趕時間，的士司機好多時都會提議較快捷路線或避開塞車地點，佢都會完全信任對方判斷。
KC話自己每次坐的士都趕時間。
至於炎熱天氣下，着西裝拍外景，KC話以往拍古裝時，還要着戲服及孭武器上身打鬥，所以經已訓練有數，現在只穿西裝經已好舒服，身邊Terry聽完後自覺原來自己已經好幸福。
二人喺炎熱天氣下着住西裝拍外景。