2024港姐決賽丨汪明荃首會晤候選佳麗讚口才好 著重談吐溫文講嘢有分寸

《2024香港小姐競選決賽》喺9月15號晚上隆重舉行，大會呢日公布三甲賽果將由大會評判及觀眾各佔一半評分選出，而今屆大會評判由周梁淑怡、阿姐汪明荃、何超鳳、彭韻僖及葉楊詩明擔任，15位候選佳麗同日首度會晤大會評判，阿姐對於今屆首度以全女班擔任評判，佢都相當期待。

今年港姐將會以全女班評判上陣。

阿姐覺得今日呢個見面會對評判嚟講好重要，可以面對面聽佳麗們講嘢，留意佳麗們嘅談吐夠唔夠斯文大方，睇吓學歷夠唔夠都係一啲考慮因素，阿姐認為選香港小姐最緊要係儀態大方、談吐溫文，講嘢要有分寸、外貌甜美，阿姐讚今屆佳麗口才好，自己心目中都有心水佳麗，不過屆時都要睇佢哋臨場發揮。

首次會晤大會評判，唔阿姐話著重大家嘅談吐。少佳麗都話對阿姐較為熟悉，1號陳紫佟指細個有睇《荃加福祿壽》而認識阿姐，而5號莊曉婷就有睇阿姐嘅《我的野蠻奶奶》，現實中就非常欣賞阿姐係一位事業成功嘅女強人，而3號王汛文表示賽前心情好忐忑。經過3個月訓練，距離決賽仲有兩日時間，一眾候選佳麗難免心情緊張。
15位候選佳麗見傳媒。