與張蔓莎以聲音談情 張馳豪直言可以唔要愛情

張馳豪同張蔓莎參與電台廣播劇演出，分別飾演室內設計師同漫畫插畫師，兩人喺劇中仲有感情發展。雖然今次係聲音演出，但出席宣傳活動時，佢哋都以劇中角色造型現身。
Aska話佢個角色嘅愛情觀係愛情斷捨離。
Aska話佢嘅角色有種好獨特嘅愛情觀，就係愛情斷捨離，因為佢會覺得一個人幾好，好需要自由，可以唔需要愛情，而呢啲角色性格，Aska話有少少同自己相似。Sabrina就話角色同自己唔似，因為自己覺得一段關係首要係愛自己，唔應該為另一半改變太多。

Sabrina覺得唔應該為另一半改變太多。

同樣係廣播劇新人，Aska直認有啲驚，因為要用聲線去演繹感情，所以要向前輩偷師，而Sabrina就覺得好有趣，因為遇到一啲好笑嘅對白，甚至可以錄埋笑聲入去。兩人首次見面兼合作，佢哋都期待未來喺音樂上有更多合作機會。