StarTalk｜阮經天林嘉欣分享拍親密戲趣事 曾寶儀感謝曾志偉入戲院支持

由 曾寶儀 擔任監製嘅新戲《愛情城事》，集合多位影帝影后參與演出，由10位導演打造10個都會愛情故事。曾寶儀連同其中一個故事嘅男女主角阮經天同林嘉欣作客《StarTalk》，分享拍攝點滴。

曾寶儀監製嘅新片包含10個都市愛情故事
小天同嘉欣演出嘅《病源》由李心潔執導，寶儀話原本心潔以演員身分拍緊另一個故事，不過拍拍下佢feel到心潔有鋪導演癮，於是就邀請佢擔任其中一個故事嘅導演，而小天同嘉欣係由心潔親自挑選嘅男女主角。
林嘉欣第三次同阮經天合作

戲中嘉欣同小天有親密戲份，已經係第三次合作嘅二人默契十足，亦對彼此好放心，不過小天拍親密戲嗰陣，就似乎對嘉欣有投訴噃。
雖然已經多次合作，不過小天今次就似乎有投訴喇

監製寶儀嘅細佬曾國祥喺電影界成績不俗，不過寶儀就話好少會同細佬傾工作，因為爸爸曾志偉訂下不成文家規，工作上大家都要靠自己努力，所以即管三人都喺娛樂區工作，但就鮮少干預大家。不過寶儀透露，爸爸有親自入戲院支持佢套戲，已經令佢好感動。