經典韓劇播出重製版金宣兒鄭麗媛19年後再聚

鍾意韓劇嘅粉絲，相信對由玄彬同埋金宣兒主演嘅經典韓劇《我叫金三順》一啲都唔陌生。韓國OTT平台修復呢部經典韓劇重製4K畫質版本重播，呢日舉行試映活動，仲邀請到金宣兒同鄭麗媛時隔19年來再為劇集同台，金宣兒更為呢次活動，專誠翻睇劇集做功課，佢話再睇都覺得好有趣，仲話真係一部好優秀嘅作品。

金宣兒當年主演嘅爆笑經典近日經重製後重新推出
鄭麗媛亦表示接到重播消息相當開心，而且呢套經典，亦係佢出道初期之作，新人時代嘅回憶返晒嚟，佢都非常感動，佢仲話當年自己個樣好青澀，作品亦都有好多佢嘅第一次，所以感受非常深刻。

鄭麗媛呢日亦有現身，仲話睇返19年前初出道嘅作品非常深刻