StarTalk | 李麗珍肥住拍戲感幸運 李靖筠自爆叛逆青春期

李麗珍、李靖筠（Gladys）作客《StarTalk》接受主播 王鎮泉 專訪，大談新戲《望月》拍攝點滴。

李麗珍同李靖筠接受《StarTalk》訪問。

珍妹喺戲中飾演有一仔一女嘅單親母親，接拍電影時正值疫情尾段，珍妹笑指身形發福不少，但導演就反而好滿意佢呢個身材，仲叫佢千祈唔好減。珍妹就覺得如果演員做到唔同類型、唔同身份、唔同樣嘅角色亦係難得嘅事，加上唔使減肥都可以接到呢個角色，真係好幸運。

珍妹喺戲中飾演有一仔一女嘅單親母親。

Gladys呢次就飾演珍妹嘅叛逆囡囡。
 
而Gladys呢次就飾演珍妹嘅叛逆囡囡，講到喺現實生活青春期發生過嘅叛逆事件，自小家庭嚴格嘅Gladys就話自己為咗出夜街而喺工人洗廁所，晾起屋企電話，其後偷偷地出街。結果下場就係被屋企人鬧到飛起。
珍妹話細個試過因為玩得太夜而激嬲爸爸。
珍妹就話自己十幾歲時，因為放咗學同朋友玩得太夜而激嬲爸爸，搞到有次入屋時被爸爸用鐵門夾親，非常牙煙！去到而家成為人母，珍妹反而就冇擔心過囡囡有反叛期，Gladys就話好羨慕珍妹囡囡有一個同朋友一樣嘅媽媽。珍妹就話一切都係因為阿女性格夠乖，令佢放心。