謝安琪推廣乳癌預防檢查免老公多手 明年迎出道20年有意開騷紀念

謝安琪 呢日為一個乳癌關注活動擔任嘉賓，自言自細已經體弱多病嘅佢，就話一向都有定期身體檢查，仲呼籲女士們都要更關顧自己嘅身體，唔好忽略自己咁話。雖然Kay話自己非常關注自己健康，不過問到同佢糖黐豆嘅老公有冇學點樣為佢檢查時，佢就話平時都係靠自己同專業人士咁話。

謝安琪呼籲女士要定期接受乳癌檢查
早前佢到大馬為主演嘅電影宣傳，片中佢同 鄧月平 扮演一對母女，阿Kay就指拍攝時相處非常愉快，更話鄧月平嘅媽媽同自己年齡相距不大，所以轉眼已經同對方熟稔，演出就更為容易喇。
佢又話自己或者接受專業人士檢查已經夠喇

早前同鄧月平合作新片嘅佢大讚拍檔

出年就出道20周年嘅佢，又話希望可以開紀念音樂會，仲話已經有單位接洽，而提到明年啟德體育園開幕，會否考慮作為場地時，佢就指自己最注重音響效果，希望有多啲資訊再作決定，仲話已經向紅館提出申請喇。

Kay指有意明年舉辦出道20周年演出