周吉佩任活動評判嘆心情緊張 下周生日與歌迷狂歡整日

參加過無數歌唱比賽嘅 周吉佩 ，呢日身份掉轉身份，為一個比賽活動擔任評判，吉吉仲話見到大家嘅熱誠，都令佢回憶起年前鼓起勇氣參加《中年好聲音》嘅片段，尤其比分時就仲特別記起自己參賽時嘅緊張喇。

吉吉呢日為一個比賽擔任表演嘉賓同評判
雖然今次只係評判，不過吉吉就指一樣心情緊張，因為覺得好似左右到佢哋能否入圍，所以非常忐忑呀。
仲令佢勾起唔少過往參賽追夢嘅記憶

而《中聲3》已經展開比賽，今屆仲比括大灣區同新馬嘅參賽朋友，而吉吉為幫新一屆參加者打氣，原來已經創作咗一首新歌，為大家打打氣，仲將自己追夢同實現夢想嘅過程加入其中，希望為大家出分力咁話。
佢又提到已為《中聲3》嘅參加者創作一首新歌互相勉勵

仲有幾日就係吉吉生日，而佢就會參加歌迷為佢舉辦嘅唔同慶祝活動，仲預告會齊齊玩足大半日，當晚仲會為大家表演，整晚都會表演全國語歌曲呀。

8號生日嘅佢，已經約定一班Fans一齊慶祝喇