中年好聲音3｜大灣區同新馬賽區上演PK戰 五燈選手王鄭浚仁信心大增

《中年好聲音3》大灣區同新馬賽區12強誕生後，今個星期日10月6日晚上演殘酷一對一PK戰上半場，新馬選手即場挑選對戰嘅大灣區選手對壘，而呢一集《中聲3》首位五燈選手來自大馬嘅王鄭浚仁以及外形似足台灣樂團動力火車嘅劉傳民將會上場，而一向係BEYOND鐵粉嘅劉傳民獻唱廣東話歌，超級有驚喜。王鄭浚仁仲解釋佢個名字由來。

《中年好聲音3》將會上演一對一PK戰。《中年好聲音3》將會上演一對一PK戰。

兩位新加坡四燈選手莫健發同蕭偉倫亦會出場，佢哋憑住高大帥氣外形令觀眾印象深刻，作為演員嘅莫健發揀歌同造型打份都花盡心思，剪咗一頭清爽短髮後外表更添任賢齊嘅影子。

劉傳民及王鄭浚仁。

大馬選手張淑鳳初賽時以溫婉風格歌聲獲得唔少好評，更被網民視為黑馬，雖然唔知可以行得幾遠，但係可以進入PK賽對佢嚟講經已好滿足，錄影當日仲係佢生日，張淑鳳指一直希望生日喺香港度過，估唔到仲可以喺TVB錄影廠，所以係一份好好生日禮物，別具意義。
大馬選手張淑鳳及韓依納。