林襄中空裝台北行catwalk 自曝恐男症與吳思賢保持距離

台灣啦啦隊女神 林襄 同 小樂 吳思賢 呢日齊齊為台北時裝周行catwalk，之前因為暴瘦睇上去有啲憔悴嘅林襄，呢日精神明顯好咗，仲著住胸前鏤空嘅貼身衫大騷Quali，好少行catwalk嘅佢話自己好緊張，而且要同小樂拍住行，搞到佢嘅恐男症又再發作。

林襄呢日中空裝現身活動
林襄仲話影相嗰陣，連攝影師都笑佢同小樂好似陌生人咁，搞到佢要即刻同小樂傾偈化解尷尬氣氛。
不過佢就因為「恐男症」而同小樂離天九丈遠

台灣知名狗仔葛斯齊日前喺節目中爆出，有大陸頂流男星同粉絲發生關係，仲同同場錄影嘅林襄透露男星身分，而林襄同其他嘉賓分享呢個秘密時，就疑似因為冇遮住口型，間接曝光當事人身分，不過林襄呢日就撇清責任，話其實葛斯齊爆料嘅時候講得太大聲，大家都已經聽到晒，所以唔關自己事喎！

佢又澄清自己冇爆內地頂流男星偷食嘅身份