蔣家旻未習慣人妻稱呼 坦言最想做家庭「煮」婦

上月成為人妻嘅蔣家旻，今日（9號）喺社交平台再放出多張婚禮等照片，回顧啱啱過去冇幾耐嘅Big day，當中包括二人喺日本石の教会內嘅行禮照等。
一對新人喺日本石の教会內嘅行禮照。一對新人喺日本石の教会內嘅行禮照。
雖然已經成為周太近兩個星期，但係蔣家旻接受 TVB娛樂新聞台訪問時，坦言仲未習慣呢個稱呼，由於呢一年因為拍劇同籌備婚禮而不斷飛，喺法國酒莊被求婚後，又要去布拉格拍外景，又去咗澳洲註冊結婚等，一直都未可以好好咁休息下，而家忙完所有嘢，終於可以唞下。

蔣家旻坦言未習慣畀大家叫周太。蔣家旻嘅設計師朋友為佢度身訂造紫藍色裙，送畀佢作為結婚禮物。蔣家旻戴上求婚戒指影婚紗照。蔣家旻戴上求婚戒指影婚紗照。

新手人妻蔣家旻笑言而家最想做返個家庭「煮」婦，抽時間去買餸下廚煮返幾味住家菜，佢笑謂：「返到香港好多嘢執，因為有好多行李，同埋都要抽時間買餸煮飯，太耐無食住家菜。婚前我都會煮飯，亦都係興趣，但過去幾個月拍劇好忙，所以少咗時間係屋企。」
3卡嘅求婚戒指。